L'Abadiá de Valmagna es una anciana abadiá cisterciana de Lengadòc, situada sul territòri de Vilamanda, vilòta del país de Mesa. Fondada en 1138 pel vescomte de Besièrs, Ramon Trencavèl, venguèt monument istoric tre 1947. La glèisa actuala, d'estil gotic classic, foguèt bastida tre 1257 sus una glèisa romanica venguda tròp pichona. L'ensems es actualament un endrech toristic ont se produsisson tanben de manifestacions culturala.
