Cesarèa Maritima (en latin: Caesarea Maritima), apelada tanben tre 133 Cesarèa de Palestina (en latin: Caesarea Palaestina) en Israèl es una ciutat situada sus la còsta mediterranèa. Fondada per Eròdes lo Grand, rei de Juda, en onor de Cèsar August, foguèt bastida entre 25 e 13 abans l'èra crestiana subre una ciutat nomenada anteriorament Turris Stratonis, a 30 km al sud de Haifa actual. Son pòrt, bastit dins un luòc anteriorament perilhós de la còsta, recebèt una atencion especiala. Aviá d'agora, de pretori, un temple de Cesar amb estatuas de l'emperaire, un teatre, un circ e d'aautres bastiments publics. Tre 44 foguèt la residéncia del procurador roman de Juda e tanben la dels reis. Sa populacion èra pus siriaca que josieva. Al sègle IV foguèt lo sèti d'un evesque que tre 451 dependèt del patriarca de Jerusalèm. En 635 foguèt ocupada pels arabis.