Lo monastèri de Santa Catarina es situat en Egipte, dins la Peninsula del Sinaí, a la dintrada d'un gorg inaccessible al pè del Mont Sinaí. Es probablament lo monastèri crestian mai ancian qu'aja foncionat de contunh. Es classat per l'UNESCO coma sit del Patrimòni Mondial de l'Umanitat.
mai aborivas qu'existiscan.]]
En 1884 un brigalh de manuscrit foguèt trobat dins una bibliotèca en Itàlia, provenent d'un monastèri que foguèt bastit a l'entorn de l'an 500. Lo tròç de manuscrit conteniá unas partidas d'un jornal de viatge de la "Tèrra Santa" e una descripcion en detalh de la celebracion de Pascas a Jerusalèm. Lo manuscrit foguèt escrich en latin per una femna nomenada Egreria. Aviá visitat fòrça endreches a l'entorn de la Tèrra Promesa e lo Mont Sinaí, ont, segon l'Ancian Testament, Moisès recebèt los Dètz Comandaments de Dieu.