Lo mont Liban es 'na chadena de montanhas de Liban qu'atenh 'na altitud de 3 088 m (Qurnat as Sawda', punt culminant o som dau país e dau Levant). Lo nom « Liban » ven de la raiç semitica lbn valent a dire 'blanc' o 'lach', pr'amor de la neu que recubrís los soms de sas montanhas en ivern, un paisatge fòrça singular dins 'quela region arida; l'oronim es mencionat dins tres de las dotze tabletas de l'epopeia de Gilgameš (2900 avC), dins daus texts de la biblioteca d'Ebla (2400 avC) e environ 70 còps dins lo Tanaḥ. 'Questa chadena de montanhas es daus còps nommada « montanha occidentala de Liban » per oposicion a l'Anti-Liban, « montanha orientala de Liban », massís parallele mas mai arid e mens elevat que n'es separat per l'estrecha plana de la Bekaa.
