La Val de Yosemite (anglés: Yosemite Valley) es una val glaciala celèbra dins lo Pargue Nacional de Yosemite, situada a l'oèst de las montanhas de la Sierra Nevada en Califòrnia. La val a una longor d'aperaquí 12 km, una largor de 1,6 km e una prigondor d'aperaquí un quilomètre. Environada de nautas cimas graniticas tal coma Half Dome e El Capitan, la val es densament boscada de pins. Drenada pel Merced, un multitud de rècs e cascadas i colant, notamment los rècs Tenaya, Illilouette, Yosemite e Bridalveil. Las tres Cascadas de Yosemite, amb una nautor totala de 739 mètres, fòrman la mai nauta cascada en America del Nòrd e constituís una atraccion màjer, subretot al printemps, quand lo debit es a son maximum. Reputada per son environament natural, la Val de Yosemite es considerada coma la pèça mèstressa del Pargue Nacional de Yosemite e atrai de visitaires del mond entièr.
